ኣብ ኢትዮጲያ ግልጋሎት ቴሌኮም ናይ ምሃብ ፍቓድ ረኪቡ ናብ ተግባር ዝተሰጋገረ ዓለምለኸ ኩባንያ ቴሌኮም ሳፋሪኮም ኢትዮጲያ ኣብ ትግራይ ዝርግሐ ኔትዎርክን መሰረተ ልምዓትን ንምስላጥ ኣብ ዘኽእሎ ኩነታት ኣድሂቡ ምስ ፕረዝደንት ጌታቸው ረዳ ሓዊሱ ምስ ላዕለዎት ኣመረራሓ ጊዝያዊ ምምሕዳር ከም ዝዘተየ ሳፋሪኮም ኢትዮጲያ ዕላዊ ገይሩ ። ዋና ፈፃሚ ስራሕ እቲ ካምፓኒ ዊም ቫንሄለፑትን ካልኦት ላዕለዎት ኣመራርሓን ሳፋሪኮም…

ብዋና ኣማሓዳሪ ዞባ ማእኸል ኣይተ ሰሎሙን መዓሾ ዝተጸወዐ ህጹጽ ኣኼባ ጽባሕ ረቡዕ 21 ጥቅምቲ 2016 ዓ/ም ኣብ ኣኽሱም ክሳለጥ እዩ። እቲ ጽባሕ ኣብ ኣዳራሽ ዩኒቨርሲቲ ኣኽሱም ተጸዊዑ ዘሎ ህጹጽ ኣኼባ ኣብዞባ ማእኸል ናይዝርከባ 22 ወረዳታት ኣማሓደርቲ ሓዊሱ ኣብተን ወረዳታት ንዘለዉ ካድረታት ውድብ ህወሓት ፥ ተወከልቲ ሓረስቶት ፥ ነጋዶ ፥ መራሕቲ ሃይማኖትን ካልኦት ኣካላትን ዝሳተፉሉ እዩ።…

ወሃቢ ቃል ሓይልታት ምክልኻል እስራኤል ፒተር ለርነር ፡ ኣብ መንጐ ሓይልታት እስራኤልን ሓማስን “ከቢድ ልውውጥ” ተዅሲ ክካየድ ከምዝሓደረ ገሊጹ። ለርነር ምስ ቢቢሲ ብሬክፋስት ኣብ ዝገበሮ ጻንሒት፡ ሓይልታት ምክልኻል እስራኤል “ደረጃ ብደረጃን እናሸራረፈን ንሓማስ ይድምስሶ ኣሎ” ኢሉ። ዕላማኡ ድማ ምስ ሓማስ ምግጣምን “ትሕተ ቅርጺታቱ ምዕናውን” ከም ዝዀነ ተዛሪቡ። ለርነር፡ ሓማስ ኣብ መሳጊድን ህንጻታት ሲቪላትን ኰይኑ ይዋጋእ…

ኣብ ሃገረ ጣልያን ናይ እትርከብ ክልል ላዝዮ ፕረዝደንት ፍራንሲስኮ ሮካ ሎሚ ረፋድ ኣብ ከተማ መቐለ ብምምፃእ ሃገረ ጣልያን ብፍላይ ድማ ክልል ላዝዮ ምስ ትግራይ ዘለዎ ርክባት ኣብ ዘጠናኽሩ ኩለመዳያዊ ምሕዝነት ኣመልኪቶም ምስ ፕረዝደንት ጌታቸው ረዳ ዘትዮም። ክልቲኦም ወገናት ኣብ ዘካየድዎ ዘተ ኣፈፃፅማ ውዕሊ ፕሪቶርያን ዘጋጥምዎ ዘለው ማሕለኻታትን ፥ ኣብ ትግራይ ዝተኸየደ ወራር ስዒቡ ዝበፅሐ ፅንተትን…

ኣብ ወረዳ ፃዕዳ እምባ ጣብያ ማይ መገልታ ብበዓል ሃፍቲ ዶ/ር ዘርኡ ገ/ሊባኖስ ብ50 ሚልዮን ብር 2ይ ብር ቤት ትምህርቲ ንምህናፅ ሎሚ 20 ጥቅምቲ 2016 ዓ/ም እምነ ሰረት ተነቢሩ፡፡ ሓላፊ ካቢኔ ሴክሪተርያት ሽግግር ማሕበራዊ ልምዓት ፕሮፌሰር ክንደያ ገ/ህይወት ብበዓል ሃፍቲ ዶ/ር ዘርኡ ገ/ሊባኖስ ዝተገበረ ሰናይ ተግባር ብምምስጋን ዝዓነወት ትግራይ ዳግም ንምህናፅ ኣብ ዝግበር ርብርብ ኩሉ እጃሙ…

ነቲ ጉጅለ ልኡኽ ፕሬዚደንት ጌታቸው ረዳ ሓዊሱ ብላዕለዎት ኣመራርሓ ግዝያዊ ምምሕዳር ትግራይ ኣቀባብላ ተገይርሉ። ጉጀለ ሉኡኽ ክልል ላዝዮ ሃገረ ጣልያን ኣብ ፃንሒቱ ምስ ፕረዚደንት ጌታቸው ረዳ ኣብ ዝተፈላለዩ ዛዕባታት ክዝቲ እዩ። ኣብ ኩሓ አብ ዝርከብ ሆሰፒታል፣ ዩኒቨርስቲ መቐለን ካልኦትን ዑደት ከምዝገብር እውን ንምፍላጥ ተኻኢሉ።

ኣብ ወረዳ ታሕታይ ማይጨው ነበርቲ ጣብያ ማይ በራዝዮ ዝኾኑ ሓረስቶት ኣብ ዝሓሸ ብርኪ ዘብፅሕዎ ዝራእቶም ብምኽንያት ወቕቱ ዘይሓለወ ዝናብ ይበላሸው ብምህላዉ መንግስታዉን ዘይመንግስታዉን ኣካላት ኣብ ወፍሪ ምእካብ ምህርቲ ሓገዝ ክገብሩሎም ፀዊዖም። ኣመሓዳሪ ወረዳ ታሕታይ ማይጨው ኣይተ ግዛቸው ገ/መስቀል ኣብታ ወረዳ ብዝራእቲ ካብ ዝተሸፈነ 11 ሽሕ ሄክታር መሬት እቲ 2 ሽሕን 987 ሄክታር ጥራሕ ከምዝተዓፀደን ምህርቲ…

ፕረዝደንት ጌታቸው ረዳ ኣብ ወረዳ ራያ ዓዘቦ ጣብያ ሓወልቲ ብክቡር ዶክተር ዘርኡ ገብረሊባኖስ ንዝህነፅ ቤት ትምህርቲ ሎሚ 19 ጥቅምቲ 2016 ዓ/ም እምነ ሰረት የንብሩ ኣለው። ኣብቲ ስነ ስርዓት ምንባር እምነ ኩርናዕ ዝተረኸቡ ፕረዝደንት ጌታቸው ረዳ ኣብ ዘመሓላለፍዎ መልእኽቲ ፣ ኩለና ተሓባቢርና ትግራይ ክንሃንፅ ይግባእ ነዚ ቀንዲ ድማ ኣብያተ ትምህርቲ ብምህናፅ ክንጅምሮ ይግባእ ኢሎም። ክቡር ዶክተር…

ርእሰ ምምሕዳር ግዚያዊ ምምሕዳር ክልል ትግራይ ኣይተ ጌታቸው ረዳ ምስ ጉጅለ ልኡኽ ኤምባሲ ኣሜሪካ ኣብ ኢትዮጵያ ይዝትዩ ኣለዉ። እቲ ዘተ፥ ኣብ ምዕባለ ውዕል ሰላም ፕሪቶሪያ፣ ኩነታት ሰብኣዊ ሓገዝን ካልኦት ተዛመድቲ ዛዕባታትን ዝጠመተ ከምዝኾነ ቤት ፅሕፈት እቲ ምምሕዳር ኣብ ማሕበራዊ ሚዲይኡ ኣብ ዝዘርገሖ ሓበሬታ ገሊፁ።

ፕረዚደንት ኢራን ኢብራሂም ራይሲ፡ እስራኤል እትወሰዶ ዘላ ስጉምቲ “ቀይሕ መስመራት ሰጊሩ’ሎ፡ እዚ ድማ ኩሉ ሰብ ስጉምቲ ክወስድ ከገድዶ ይኽእል’ዩ” ክብል ኣጠንቂቑ። ራይሲ ብሰንበት ኣብ ኤክስ (ናይ ቀደም ትዊተር) ኣብ ዘስፈሮ ጽሑፍ ወሲኹ፡ “ዋሽንግተን ዝኾነ ነገር ከይንገብር ትሓተና፡ እንተኾነ ግን ንእስራኤል ሰፊሕ ደገፍ ትህብ ኣላ። ኣመሪካ ናብ ‘ኣክሲስ ኦፍ ረሲስታንስ’ መልእኽቲ ሰዲዳ፡ ካብ ዓውደ ውግእ ግን…

18 ጥቅምቲ 2016 ዓ/ም፤ ኣብ ትሕቲ ፅላል ማሕበር ልምዓት ትግራይ ዝርከብ ፍሉይ ካልኣይ ብርኪ ቤት ትምህርቲ ቓላሚኖ ተወዳዲሮም ዝሓለፉ 60 ተምሃሮ ታሽዓይ ክፍሊ ተቀቢሉ ከይዲ ምምሃር ምስትምሃር ምጅማሩ ምኽትል ፈፃሚ ዳይሬክተር ማሕበር ልምዓት ትግራይ ዶክተር ተስፋሁነኝ ሃይለማርያም ገሊፆም። እዚ ዝተገለፀ ትማሊ ቀዳም 17 ጥቅምቲ 2016 ዓ/ም ኣብቲ ቤት ትምህርቲ ስነ ስርዓት ኣቀባበላ እንትግበረሎም እዩ። ኣብቲ…

ነቲ መድረኽ ብመልእኽቲ ዝኸፈቱ ፈፃሚ ስራሕ ጉባኤ ህዝባዊ ርክባት ትግራይ መጋቢ ብርሃናት ተስፋይ ሃደራ ፣ እቲ ጉባኤ ካብ ዝኾነ ፓለቲካዊ ወገናውነት ነፃ ምዃኑ ዝሓበሩ እንትኾን ትግራይ ማእኸል ዝገበረ ስራሕ ዝሰርሕ ሲቪኽ ማሕበረሰብ ምዃኑ ገሊፆም። መጋቢ ብርሃናት ተስፋይ ሃደራ ብተወሳኺ ፣ ውሽጣዊ ሓድነትና ብምሕላው ዲፕሎማሲና ካብ ውሽጢ ንደገ ክኸውን ኣለዎ ኢሎም። ዕላማ ጉባኤ ህዝባዊ ርክባት ትግራይ…

ዶክተር ዘርኡ ገብረሊባኖስ ኣብ 7 ዞባታት ትግራይ ኣብያተ ትምህርቲ ክሃንፁ 350 ሚሊዮን መዲቦም ምንቅስቃስ ከም ዝጀመሩ ዝፍለጥ ዩ። ሎሚ ድማ ፕረዚደንት ጊዚያዊ ምምሕዳር ትግራይ ኣይተ ጌታቸው ረዳ ኣብ ዝተረኸብሉ ኣብ ወረዳ ደጉዓ ተምቤን ጣብያ ሰረት ቁሸት ማርያም ቆራር ተረኺቦም እምነ ሰረት ኣንቢሮም ኣለው። ኣብቲ እዋን ዘረባ ዘስምዑ ኣይተ ጌታቸው ረዳ ኣብ ፅባሕ ብሄራዊ ሓዘን ኮይንና…

ብሄራዊ ባይቶ ዓባይ ትግራይ (ባይቶና) ካብ ጥቅምቲ 17-18/2016 ዓ.ም ኣብ ከተማ መቐለ ሓፈሻዊ ጉባኤ ንምክያድ ኣብ ምሽብሻብ ይርከብ፡፡ ባይቶና ከም ውድብ ኣብ ህልውናን ድሕንነትን ህዝቢ ትግራይ፤ ኣብ ባህሊ፤ ታሪኽ፤ ክብሪታት፤ መንነት፤ ስልጣነን ህዝብና ማእኸል ገይሩ እናተቓለሰ ዝመፀን፤ ሐዚ እውን ኣብ ምቅላስ ዝርከብን ኮይኑ እዞም መደባት ንምዕዋት ናይ ወሎዶና ታሪኻዊ ሓላፍነት ተሸኪሙ ንቕድሚት ንምግስጋስ ዘኽእሎ ውድባዊ…

ብምትሕብባር ሚኒስቴር ሓለዋ ጥዕና ኣብ ላዕለዎት ትካላት ጥዕና ኣብ ኣወሃህባ ግልጋሎት ዝረአ መረረትን ማሕንቆታት ስርዓት ጥዕናን ሪፎርም ብምክያድ ዝሓሸ ኣወሃህባ ግልጋሎት ምፍጣር ኣብ ዝኽእለሉ መንገዲ ንምንዳይ ዝዓለመ መድረኽ ዘተ ኣብ ከተማ መቐለ ተሳሊጡ፡፡

ኣብ በይሩት ዝመደበራ ኣል ማያዲን ዝተባህለት ማዕከን ዜና፡ ኣብ ኤርትራ ዝርከብ መዓስከር እስራኤል ብዕጡቓት ከምዝተሃረመ ሎሚ ዓርቢ 27 ጥቅምቲ ኣብ ዝዘርግሓ ዜና ሓቢራ። ብመሰረት እታ ማዕከን ዜና፡ ኣብ ኤርትራ ኣብ ደሴታት ዳህላክ ኣብ ዝርከብ ወተሃደራዊ መደበር ዓስኪሮም ዝነበሩ ወተሃደራት እስራኤል መጥቃዕቲ ከምዝወረዶም ምንጭታት ኤርትራ ንኣል ማያዲን ሓቢሮም ትብል። እቶም ምንጭታት፡ እቲ መጥቃዕቲ ብፍሉይ ንየመን ገጹ…

ኢትዮጵያን ደቡብ ኣፍሪካን ዝፀንሐ ታሪኻዊ ርክበን ብምጥንኻር ኣብ ወታደራዊ ጉዳያት ብሓባር ንምስራሕ ተስማዕሚዐን። ዳይሬክተር ትምህርቲን ልምዓትን ሰራዊት ምክልኻል ደቡብ ኣፍሪካ ምስ ሓላፊ ዋና መምርሒ ትምህርቲን ስልጠናን ምክልኻል ፌዴሪኢ ሌተናል ጄኔራል ይመር መኮነን ኣብ ወታደራዊ ትምህርቲን ስልጠናን ብሓባር ንምስራሕ ተስማዕሚዖም። ክልቲአን ሃገራት ሰራዊተን ንምዝማን ኣብ ዝገብረኦ ፃዕሪ ልምዲን ተሞክሮአንን ንኽለዋወጣ ምቹው ኩነታ ዝፈጥር ስምምዕነት ከምዝተገበራ ሌተናል…

ኣሜሪካ ኣብ ዝተመረፁ ግዝኣታት ምብራቓዊ ሶሪያ መጥቃዕቲ ከምዝፈፀመት ገሊፁ። እቲ መጥቃዕቲ ኢራንን ብኢራን ዝድገፉ ዕጡቓትን ዝጥቀሙሎም ወተሃደራዊ ማእከላት ዒላማ ዝገበረ ከምዝኾነ ሚኒስቴር ምክልኻል ኣሜሪካ ኣፍሊጡ። ኣብ ምብራቓዊ ሶሪያ ክልተ ቦታታት ዝተፈፀመ መጥቃዕቲ ብፕሬዚዳንት ኣሜሪካ ጆ ባይደን ቀጥታዊ ትእዛዝ ዝተፈፀመ ከምዝኾነ ተሓቢሩ። ኣብ ቀረባ እዋን ኣብ ኢራቕን ሶሪያን ዝርከቡ መዓስከራት ሰራዊት ኣሜሪካ ንዝተፈፀመ መጥቃዕቲ ዓፀፋዊ ምላሽ…

ቤት ምኽሪ ሚኒስትራት ብዘካዮዶ መበል 25 ስሩዕ ኣኼባ ኣብ ዝተፈላለዩ ርእሰ ጉዳያት ብምዝታይ ውሳነታት ምምሕልላፉ ቤት ፅሕፈት ቀዳማይ ሚኒስትር ኣመልኪቱ። ውሳነታት መበል 25 ስሩዕ ኣኼባ እቲ ቤት ምኽሪ፡- እቲ ቤት ምኽሪ ኣብቲ ረቂቕ ኣዋጅ ብሰፊሑ ድሕሪ ምዝታይ እታወታት ብምውሳኽ ንኽፀድቕ ናብ ባይቶ ወከልቲ ህዝቢ ንኽመሓላለፍ ብሙሉእ ድምፂ ወሲኑ፡፡ እቲ ቤት ምኽሪ ኣብቲ ረቂቕ ኣዋጅ ብሰፊሑ…

ፕረዚደንት ግዝያዊ ምምሕዳር ትግራይ ጌታቸው ረዳ ንናይ ሽዱሽተ ዞባታት ሓለፍቲ ኣብያተ ፅሕፈት ምልዕዓል ህዝቢ ኮይኖም ተመዲቦም ኣብ ስራሕ ዝፀንሑ ኣመራርሓ ካብ ሓላፍነቶም ኣልዒሎም። ቤት ፅሕፈት ፕረዚደንት15 ጥቅምቲ 2016 ዓ/ም

ኣብ ፅባሕ ብሄራዊ መርድእና ዘሎ ዕማም ኣብ ዞባታት ደቡብ፣ ደቡብ ምብራቕን ምብራቕን ከምኡ ድማ ኣብ ዞባታት ማእኸላይን ሰሜናዊ ምዕራብን ዝረአ ዘሎ ወቅቱ ዘይሓለወ ዝናብ ኣብ ዘራእቲ ከብፅሖ ዝኽእል ሓደጋ ንምክልኻል ምስ ዝምልከቶም ገበርቲ ሰናይ ኣካላትን ህዝብን ተወዲድካ ምስራሕ ምዃኑ ዝሓበሩ ፕረዚደንት ጌታቸው ረዳ፤ ኣብዚ ሐዚ ሰዓት መንግስቲ ብዘውፀኦ ኣንፈት መሰረት ብፍላይ ናይ ስድራ ስውኣት ዝራእቲ…

ፕረዚደንት ግዚያዊ ምምሕዳር ትግራይ ኣይተ ጌታቸው ረዳ ምስ ብኣምባሳደር እንግሊዝኛው ኣብ ኢትዮጵያ ዳረን ዎልችን ኣብ ጀርመን ዳይሬክተር ጀነራል ኢኮኖሚያዊ ኮኦፕሬሽንን ዲቨሎፕመንትን ፎር ኣፍሪካ ብራይት ፒክልን ዝተመርሐ ጉጅለ ሎምዓልቲ ኣብ ዘሳለጥዎ ምይይጥ፣ ግዝያዊ ምምሕዳር ትግራይ ዘላቒ ሰላም ንምርግጋፅ ይሰርሕ እኳ እንተሃለወ፣ ፌዴራል መንግስቲ ግን ብወረርቲ ሓይልታት ኣምሓራን ሰራዊት ኤርትራን ዝተትሓዘ ከባቢታት ትግራይ ክሳብ ሕዚ ክምለስ ብዘይምግባሩ…

ቀዳማይ ሚኒስትር ነበር ዓብደላ ሓምዶክ ኣብታ ሃገር ዝካየድ ዘሎ ግጭት ዘላቒ ፍታሕ ንምርካብ ኣብ መንጎ ሱዳናውያን ሓድነት ክህሉ ትማሊ ሶኑይ ጸዊዖም። ሓምዶክ ጻውዒቱ ኣብ መኽፈቲ ኣኼባ ናይቲ ኣብ ኣዲስ ኣበባ ዝተኻየደ ኲናት ሱዳን ንምቁራጽ ስሙር ዲሞክራስያዊ ሲቪላዊ ግንባር ንምፍጣር ኣብ ኣዲስ ኣበባ ዝተኻየደ ናይ ሰለስተ መዓልታት ኣኼባ እዩ። ሓላፊ መሰጋገሪ ካቢነ ሚኒስተራት ነበር ኣብ ዘስምዖ…

እቶም ኣብቲ ወፍሪ ዝተሳተፉ ወገናት ካብ ማሕበረሰብ ንግዲ ከተማ መቐለ፥ ካብ ሰራሕተኛታት ትካላት ትእምት፥ ካብ ጋንታ ስፖርት መቐለ 70 እንደርታን ሲራክ ማሕበር መናእሰይን ካልኦትን ዝርከብዎም እዮም። ከም ዞባ ደቡብ ምብራቕ ትግራይ ድማ ኣብ 5 ወረዳታት ወፍሪ ዓፂድ ንስድራ ስውኣት ተሳሊጡ።

ዋና ኣመሓዳሪ ወረዳ ክልተ ኣዉላዕሎ ኣይተ ኣስመላሽ ገብረስላሴ ንድምፂ ወያነ ትግራይ ከም ዝበልዎ ወፍሪ ዓፂድ ዝባፅሑ ዘራእቲ ኣብ 13 ጣብያታት እታ ወረዳ ካብ 7 ክሳብ 21 ጥቅምቲ 2016 ዓ/ም ብወፍሪ እናተሳለጠ እዩ። ኣብቲ ዝሳለጥ ዘሎ ወፍሪ ስድራ ስዉኣት ቀዳምነት ተዋሂብዎም ክሕገዙ ቀፂሎም ድማ ኣረጋዉያንን ፀገም ጥዕና ዘለዎም ነበርቲ ተጠቀምቲ እናኾኑ እዮም ። ኣብቲ ወፍሪ ኣብ…

ሰራሕተኛታት ፋብሪካ ሲሚንቶ መሰቦ ኣብ ወረዳ እንደርታ ጣብያታት ቀዳማይ ወያነ ፣ድድባን ፈለገሰላም ኣብ ዝርከቡ ዝበፅሐ ዝራእቲ ስድራ ስወኣት ብወፍሪ ዓፂድ ኣካይዶም።

” ክንፀንዕ ይግባእ ፥ ስድራ እዞም ሰማእታት ምሕጋዝ ናይ ነፍስ ወከፍ ዜጋ ግቡእ ‘ ዩ ። ተሓጋጊዝና ናብ ልምዓት ክንኣቱ ኣለና። እዚ ተጀሚሩ ዘሎ ሰናይ ተግባር ካልኦት እውን ክስዕብዎ ኣለዎም። ዓድና ሰላም ይግበረልና” ሎሚ ኣብ ዝተፈላለዩ ጣብያታት ሕንጣሎ ኣብ ዝተኻየደ ወፍሪ ዓፂድ ዝተሳተፉ ኣቦታት ሃይማኖት ትግራይ ዘሕለፍዎ መልእኽቲ ።

ማሕበረሰብ ዓለም ኣብ ቻርተር ውድብ ሕቡራት መንግስታት(ውሕመ) ብምዝታይ ዓለማዊ ኩነታት ኣብ ግምት ዘእተወ ምምሕያሽ ንክገብር ኢትዮጵያ ሓቲታ።  ሚኒስትር ዴኤታ ሚኒስቴር ጉዳያት ወፃኢ ኣምባሳደር ምስጋኑ ኣርጋ፥ ኣብ ኣዲስ ኣበባ ኣብ ዘሎ ኮሚሽን ኢኮኖሚክ ኣፍሪካ ኣብ ዝተሳለጠ መበል 78 መርሃ ግብሪ ዕለተ ዝኽሪ ውሕመ ተሳቲፎም። ኣምባሳደር ምስጋኑ፥ ኢትዮጵያ መስራቲት ሃገር ብምዃና መትከላት ቻርተር እቲ ትካል ትድግፍ ኢያ…

ኣሜሪካ፣ ጃፓንን ደቡብ ኮሪያን ፈላማይ ዝኾነ ሓበራዊ ወታደራዊ ልምምድ ኣካደን።  እቲ ሰለስተኣዊ ወታደራዊ ልምምድ ካብ ሰሜን ኮሪያ ክፍኖ ዝኽእል መጥቃዕቲ ኒውክሌርን ሚሳኤልን ንምምካት ዘኽእል ዓቕሚ ንምድንፋዕ ዝዓለመ ኢዩ ተባሂሉ፡፡ ኣብ ልሳነ ምድር ኮሪያ ዝተኻየደ ሓበራዊ ወታደራዊ ልምምድ÷ ኒውክሌር ናይ ምሽካም ዓቕሚ ዘለዋ ስትራቴጂክ ቦምብ ትድርቢ ኣውሮፕላን ኣሜሪካ ከምዝተሳተፈት ተሓቢሩ፡፡ ካብዚ ሓሊፉ ድማ ዘበናዊ ተዋጋእቲ ጄታት…

ሚኒስተር ጉዳያት ወጻኢ ኢራን ሑሴን ኣሚር ዓብደላሂያን፡ እስራኤል ኣብ ወሽመጥ ቓዛ እትገብሮ መጥቃዕቲ እንተዘየቋሪጻ ማእከላይ ምብራቕ ካብ ቍጽጽር ወጻኢ ክኸይድ ከምዝኽእል ኣጠንቂቑ። ኣሜሪካ፡ ንመንግስቲ እስራኤል ወተሃደራዊ ደገፍ ብምሃብ “ተሓታቲት” ምዃና’ውን ገሊጹ። ድሕሪ ሒደት ሰዓታት ቀዳማይ ሚኒስተር እስራኤል ቤንያሚን ናታንያሁ ንሰራዊት እታ ሃገር ኣብ ዝሃቦ መግለጺ፡ ህዝቡ ንህይወቱ ኣብ ውግእ ከምዘሎ ኣጠንቂቑ። ኣንጻር ሓማስ ዝካየድ ዘሎ…

ኣብቲ ድርድር ድማ ኣብ ዘይተፈትሑ ጉዳያት ቴክኒካልን ማዕቐፍ ህጊን ኣብ ዝሐሸ ውፅኢት ንምብፃሕ ትኹረት ከምዝግበር ተሓቢሩ፡፡  ኢትዮጵያ ኣብ 2015 ብብርኪ መራሕቲ ዝተፈረመ መግለፂ መምርሒ ስምምዕነት መሰረት ብምግባር እቲ ድርድር ብፍትሓውነትን ምኽንያታዊ ኣጠቓቕማን መምርሒ መሰረት ብምግባር ኣብ ውፅኢት ንምብፃሕ ከምትሰርሕ ተገሊፁ፡፡