ፕሬዚዳንት ሩሲያ ቭላድሚር ፑቲን ሓሳብ ሰላም ኣፍሪካ ኣብ ሞንጎ ሩሲያ-ዩክሬን እናተኻየደ ዝርከብ ኲናት ጠጠው ንምባል መሰረት ሰላም ክኸውን ከምዝኽእል ገሊፆም፡፡
ንሬውተርስ ፀሪሑ ኣልጄዚራ ከምዝፀብፀቦ÷ ኣፍሪካያን መራሕቲ ዘቕረቡዎ ትልሚ ሰላም ዋላ እኳ ሙሉእ ዝርዝሩ ዕላዊ ኣይገበር እምበር እቲ ጎንፂ ንምህዳእ ተኸታታሊ ስጉምቲታት ዘመላኸተ ኢዩ፡፡
ካብ ሞንጎ እዚኣቶም÷ ጦር ሩሲያ ንደሓር ክምለስ፣ ታክቲካዊ ጦር መሳርሒ ኒውክሌር ሩሲያ ካብ ቤላሩስ ክወፅእ ምግባር፣ ዓለም ለኸ ቤት ፍርዲ ገበነኛታት (ኣይ ሲ ሲ) ኣብ ልዕሊ ፑቲን ዘውፀኦ ትእዛዝ ማእሰርቲ እገዳን እፎይታ ማዕቐብን ዘካተተ ከምዝኾነ ተሓቢሩ፡፡
“ይኹን እምበር ዩክሬን ንቕድሚት እናገሰገሰን ስልታዊ መጥቃዕቲ እናካየደትን” ትርከብ ዝበሉ ፕሬዚዳንት ፑቲን÷ ኣብ ውሽጢ እዚ ኩነታ ተኹሲ ጠጠው ክብል ምግባር ዘይከኣል ምዃኑ ተዛሪቦም፡፡
ብኣፍሪካውያን መራሕቲ ዝቐረበ ሓሳብ ሰላም ብወገን ቻይና ምስ ዝቐረበ ሓሳብ ንሰላማዊ መፍትሒ መሰረት ክኸውን ከምዝኽእል እውን ኣመልኪቶም፡፡
