ኣብ ዓለምና ኣብ ዓውደ ትምህርቲ ሕክምና ፡ ሳይነስን ምርምርን ዝለዓለ ዝናን ክብርን ካብ ሞንጎ ዘለዎም ዩኒቨርስታት ሐደ ሙኻኑ ዝንገረሉ ዩኒቨርሲቲ ግላስጎው ፡ ዶክተር ቴድሮስ ኣድሓኖም ኣብ ኣፀጋሚ ኩነታት ኮይኖም ኣብ ዓውደ ጥዕና ንዘበርክትዎ ዘለው ልዑል ግደን ፃዕርን ናይ ክብሪ ዲግሪ ሂብዎም ኣሎ ።
ኣብ ሳይንስን ሕክምናን ሓዊሱ ኣብ ዓውደ ትምህርትን ምርምርን ኣዝዩ ሃብታም ውርሻ ካብ ዘለዎ ዩኒቨርሲቲ ናይ ክብሪ ዲግሪ ምቕባለይ ኣዝዩ ክብሪን ኩርዓትን ይስምዓኒ ዝበሉ ነቲ ሽልማት ዝተቐበሉ ዋና ዳይሬክተር ውድብ ጥዕና ዓለም ብፍላይ ኣብ ኣዝዩ ኣፀጋሚ ኩነታት ኮይኖ ስራሕቶም ንዝውግኑ ዘለዉ ሰብ ሞያ ውድብ ጥዕና ዓለም ዝተውሃበ ኣፍልጦ እዩ ኢሎም ።
