ዩኒቨርስቲ ኣኽሱም ካብ ዝተፈላለዩ ክልላት ዝመፅኡ ሓደሽቲ ተምሃሮ ምቕባል ከምዝጀመረ ተገሊፁ።
ኣማኻሪ ጉዳይ ምምሕዳርን ተምሃሮን እቲ ዩኒቨርስቲ መምህር ገብረሚካኤል ታፈረ ከምዝገለፅዎ÷ ብሚኒስቴር ትምህርቲ ካብ መላእ ኢትዮጵያ ኣብ ዩኒቨርስቲ ኣኽሱም ዝተመደቡ ልዕሊ 2 ሺሕን 700 ተምሃሮ ካብ 6 ክሳብ 7 ጥሪ 2016 ዓ.ም ናብቲ ዩኒቨርሲቲ እናኣተዉ ይርከቡ።
እቶም ሓደሽቲ ተምሃሮ ናብ ዩኒቨስቲ ኣኽሱም እንትኣትው÷ ብነበርቲ ኣኽሱምን ኣመራርሓ ዩኒቨርስቲ ኣኽሱምን ኣቀባብላ ተገይሩሎም።
ዝኣተዉ ተምሃሮ ንዝተገበረሎም አቀባብላ ምስጋና ምቕራቦም ካብ ቤት ፅሕፈት ጉዳያት ኮሙዩኒኬሽን ግዚያዊ ምምሕዳር ክልል ትግራይ ዝረኸብመናዮ ሓበሬታ የረድእ።
