ኲናት ኒውክሌር ካብ ክሌማዊ ለውጢ ዝኸፍአ ኣይኮነን ክብሉ ሚኒስትር ጉዳያት ወፃኢ ኣንቶኒ ብሊንከን ገሊፆም፡፡
እቶም ሚኒስትር ትማሊ ኣብ መደብ ቴሌቪዥን 60 ደቒቕ ኣውስትራሊያ ቀሪቦም ከምዝገለፁዎ÷ ኣብ ዓለም እናተርኣ ዝመፅአ ክሌማዊ ለውጢ ዝዓበየ ፈተና እናኾነ ምምፅኡ ገሊፆም፡፡
“ኲናት ሩሲያን ዩክሬንን ሓዊሱ ኣብ ዝተፈላለዩ ከባቢታት ዓለም ንህይወት ደቂ ሰባት ዝፈታተኑ ጎንፂታት ኣለዉ” ዝበሉ እቶም ሚኒስትር÷ ይኹን እምበር ክሌማዊ ለውጢ ስግኣት ህልውና ህዝቢ ዓለም ከምዝኾነ ኣገንዚቦም፡፡
ኣብ ምድሪ ኣውሮፓ ኣብ ሓምለ ዝለዓለ መጠን ሙቐት ዝተመዘገበ እንትኸውን÷ ውድብ ሕቡራት መንግስታት ምልቃቕ ካርበን ንምንካይ ቅልጡፍ ስጉምቲ ንኽውሰድ ፃውዒት ምቕራቡ ይዝከር፡፡
ቅድም ክብል ፍሉይ ልኡኽ ንብረት ኣየር ኣሜሪካ ጆን ኬሪ ምልቃቕ ካርበን ንምንካይ ስርዓት ሕርሻ ዓለም ንክስተኻኸል ምሕታቶም ኣር ቲ ፀብፂቡ፡፡
