ይሳለጥ ኣብ ዘሎ ዋዕላ ምኽክር ህዝቢ ዞባ ደቡብ ካብ ተሳተፍቲ እቲ ዘተ ካብ ዝተለዓሉ ሕቶታት፣ሓሳባትን ርኢቶታትን

★ ህዝቢ ኣብ ከቢድ ፀገም ኣብ ዘለሉ እዋን ኣመራርሓ ትግራይ “እታ እምባይ መን ይወርሳ” ካብ ዝብል ንሕንሕ ብምውፃእ ህድእ ኢልኩም ኣፈላላይኩም ፍትሑ።

★ ብመሰረት ውዕሊ ፕሪቶርያ ዝተመለሱ ተመዛበልቲ ሓገዝን ክትትልን ይገበረሎም።

★ ሰላም ቀዳማይ ሕርያና እዩ ።ሰላም ግበሩልና።

★ ደቅና ንትግራይ ኢሎም እዮም ተሰዊኦም ። ንውልቀ ሰባት ኢሎም ኣይኮነን።

★ ግዝኣታዊ ሓድነት ትግራይ ንምምላስ ብትኹረት ስርሑ።

★ ፀገም ፀጥታ ኣለና ።ብኣግባቡ ህዝቢ ዝሰምዕን ዝሕሉን ፀጥታ ክህሉ ይሰራሕ።

★ ፍትሒ ይጓደል ኣሎ። ኣብያተ ፍርዲ ፍትሒ ከረጋግፁ ክሰርሑ ይገበር ።

★ ኣብ ልዕሊ ደቂ ኣንስትዮ ዝፍፀም ዘሎ በደል ከቢድ

★ ሓርበኛታት ፣ስድራ ስውኣትን ቆላሕታ ኣይተገበረሎምን ።

★ ዓቕሚ ዘለዎ ሰብ ናብ ኣመራርሓ ይምፃእ

★ ተጀሚሮም ዝተቋረፁ ስራሕቲ ልምዓት ኣለው። እዞም ስራሕቲ ብምስራሕ ተረባሕነት መናእሰይ ይረጋገፅ።

★ ህወሓትን ግዝያዊ ምምሕዳር ትግራይን ክልተ ገፅ ሓንቲ ሳንቲም እዮም።

★ ሰባት እዮም ዝለዋወጡ እምበር ውድብ ከም ውድብ ክቕፅል ኣለዎ።

★ ኣብ መንጎ መራሕቲ ብዝተፈጠረ ኣፈላላይ ህዝቢ ከም ህዝቢ በቢ ከባቢ ዝኸፋፍል ስራሕ ደው ክብል ኣለዎ ።

★ ኣጋጢሙ ዘሎ ኣፈላላይ ናብ ሓይሊ ንለውጦ። ኣብ ትግራይ ዴሞክራሲ ክዓቢ ይሰራሕ።

★ ኣማኻሪ ካውንስል ንምንታይ ዛጊድ ናብ ስራሕ ኣትዩ ስራሕ ዘይጀመረ ?

★ ምምሕዳር ብድሌት ህዝቢ ክትኸል እንታይ ይስራሕ ኣሎ?

★ ብዘይኣግባብ ብሽም ኢንቨስትመንት መሬት ይተሓዝ ኣሎ። መንእሰይ ናብ ስደት ይኸድ ኣሎ። ነዚ ንምፍታሕ እንታይ ክስራሕ እዩ?

★ ቅድሚ ነዊሕ እዋን ተኻዒተን ዘለዎ ጎዳጉዲ ማይ ንምንታይ ናብ ረብሓ ክውዕላ ዘይግበር ?

★ ካብ ማይጨው ክሳብ ዓዲጉራ ዘሎ ፅርግያ ፅገና ይገበረሉ። ህዝቢ ኣላዒልካ ክስራሕ ዘለዎ ስራሕ ኣብ ምስራሕ ትኹረት ይገበር።

★ ዞባ ደቡብ ከም ዞባ ፣ከተማ ማይጨው ድማ ከም ከተማ ፀገም መሰረተ ልምዓት ኣሎ።

★ ብምትእስሳርን ረብሓን ዝስራሕ ስራሕ ግዝያዊ ምምሕዳር ትግራይ ትኹረት ገይሩ ነዚ ፀገም ክፈትሕ
ይግባእ።

ዳንኤል ገብረእግዚኣብሄር