ኣብ ልዕሊ ሰራዊት ምክልኻል ሃገር ዝንዛሕ ምጥፋእ ሽም ደው ንክብል መጠንቀቕታ ተዋሂቡ

ኣብ ልዕሊ ሰራዊት ምክልኻል ሃገር ዝንዛሕ ምጥፋእ ሽም ደው ንክብል ሰራዊት ምክልኻል ሃገር ፌዴሪኢ ኣጠንቂቑ።

ዳይሬክተር ዳይሬክቶሬት ርክብ ህዝቢ ሰራዊት ምክልኻል ሃገር ፌዴሪኢ ኮሎኔል ጌትነት ኣዳነ ኣብ ዝሃብዎ መግለፂ፥ ሰራዊት ምክልኻል ሃገር ብህዝብን መንግስቲን ዝተውሃቦ ሓላፍነት ይዋፃእ ከምዘሎ ተዛሪቦም።

እቲ ሰራዊት ኣብ ክልል ኦሮሚያ ኣብ ልዕሊ ዝንቀሳቐስ ግብረ ራዕዲ ሸኔን ኣብ ክልል ኣምሓራ ብስም ፋኖ ኣብ ልዕሊ ዝንቀሳቐሱ ዕጡቓት ኣካላትን ስጉምቲ ይውሰድ ከምዘሎ ሓቢሮም።

ኣብ ክልቲኡ ክልልት ዘለዉ ዕጡቃት ኣካላት ዝተገበረ ፃውዒት ሰላም ሰራዊት ምክልኻል ሃገር ከምዘኽብር ብምግላፅ፥ ነቲ ፃውዒት ዝተቐበሉ ዕጡቓት ኣካላት ሰለማዊ መገዲ ከምዝሓረዩ ገሊፆም።