ምሕደራ ታክስ ኢትዮጵያ ንምዝማን ኣብ ዝግበር ፃዕሪ ባንኪ ዓለም ሓገዝ ከምዝገብር ገሊፁ።

ሚኒስቴር እቶትን ላዕለዎት ኣመራርሓ ባንኪ ዓለምን “ምሕደራ ታክስ ኢትዮጵያን ብምዝማን ወፃኢ ዝቑጥብን ውፅታዊን ግልጋሎት ምሃብ” ብዝብል ማዕቐፍ ኣብ ዝትግበር ፕሮጀክት ጠሚቶም ተዛቲዮም፡፡

እቲ ፕሮጀክት ኣታዊ ታክሲ ኢትዮጵያ ካብ ሓፈሻዊ ፍርያት ውሽጢ ሃገር ዘለዎ ጥምረት ንምድንፋዕ ዝሕግዝ ከምዝኾነ ካብ ሚኒስቴር እቶት ዝረኸብናዮ ሓበሬታ የረድእ፡፡

ፖሊሲ ታክስ ኢትዮጵያ መሰረት ብምግባር ሓሳባት ሪፎርም ናይ ምፍልፋል፣ ቅልጡፍ፣ ዘበናዊን ተበፃሒ ስርዓት ምሕደራ ታክስን ንምህናፅ ዝግበር ፃዕሪ ብቴክኖሎጂ ምስላጥ ከምኡ እውን ንከፈልቲ ታክስ ዝወሃቡ ግልጋሎታት ደረጃ ፅሬቶም ምምሕያሽ ዘካትት ፕሮጀክት ከምዝኾነ ተገሊፁ፡፡